| |
Святлоўка – былы пасёлак у Фашчаўскім сельскім Савеце, за 29 км на ПдУ ад Шклова, 40 км ад Магілёва, 30 км ад чыгуначнай станцыі Шклоў на лініі Орша-Магілёў. Рэльеф раўнінны. Транспартныя сувязі па мясцовай дарозе і далей па шашы Санкт-Пецярбург–Адэса. Заснавана ў 1920-я гг. перасяленцамі з суседніх вёсак. У 1930 г. арганізаваны калгас «Ударнік». У Вялікую Айчынную вайну з ліпеня 1941 г. да 26 чэрвеня 1944 г. акупіравана нямецка-фашысцкімі захопнікамі. У 1990 г. 5 гаспадарак, 5 жыхароў, у складзе саўгаса – эксперыментальнай базы «Спартак». Традыцыйна драўляныя сялянскія сядзібы з гаспадарчымі пабудовамі былі прадстаўлены ўздоўж кароткай прамалінейнай вуліцы мерыдыянальнай арыентацыі.
Святлоўка : [вёска ў Шклоўскім раёне] // Гарады і вёскі Беларусі : Магілёўская вобласць : энцыклапедыя : у 8 т. / рэдкалегія : Т. У. Бялова [і інш.]. − Мінск, 2009. – Т. 7 : кн. 3. – С. 507. |
| |
|
ВЕРСИЯ САЙТА ДЛЯ СЛАБОВИДЯЩИХ
