Новікаў Васіль Іванавіч, нарадзіўся 23.02. 1911 г., в. Чорная Рыжкаўскага сельсавета. Пасля заканчэння чатырохгадовай працоўнай школы (1922) некаторы час працаваў на бацькоўскай зямлі, а ў 1930 г. скончыў трохмесячныя курсы па падрыхтоўцы настаўнікаў і атрымаў права весці заняткі ў пачатковых класах. Вучыўся ў Магілёўскім педвучылішчы. Са снежня 1933 г. па верасень 1935 г. працаваў дырэктарам Даманавіцкай НСШ (Мазырскі р-н). Тады ж закончыў курсы сацыяльна-гістарычнага аддзялення Магілёўскага педінстытута. Настаўнічаў у Ельскай сярэдняй школе, у 1937 - 1938 гг. - у сярэдняй школе № 3 г. Армавіра. У 1939 - 1940 гг. хварэў, некаторы час працаваў у вучкамбінаце, сакратаром Армавірскага ГК ВЛКСМ. Са жніўня 1940 па 15 лістапада 1941 г. вучыўся ў Вышэйшай партыйнай школе пры ЦК ВКП(б). Накіраваны на партработу ў г. Ашхабад. З 1942 г. - на фронце, палітработнік. Служыў у Савецкай Арміі да жніўня 1946 г. Пасля звальнення працаваў загадчыкам аддзела ў Віцебскім абкоме партыі, затым сакратаром Маладзечанскага АК КП(б)Б. Адначасова ў Маладзечанскім настаўніцкім інстытуце быў выкладчыкам, часова выконваў абавязкі загадчыка кафедры асноў марксізму-ленінізму. У 1948 г. прыняты на вучобу ў Акадэмію грамадскіх навук (Масква). Абараніў кандыдацкую дысертацыю па спецыяльнасці філосаф. Накіраваны на работу ў Чыцінскую вобласць на пасаду сакратара абкома ВКП(б)Б. Там таксама працаваў выкладчыкам у абласной 2-гадовай партшколе. У 1954 г. зацверджаны ў вучоным званні дацэнт. Пасля скасавання Маладзечанскай вобласці працаваў, да выхаду на пенсію, у Мінскай вышэйшай партыйнай школе ў якасці дацэнта кафедры філасофіі.
                                                                                                               Г. Напрэеў